美食節中，經常都會發現到一些新面孔；剛剛完結的香港美食博覽2017，就出現了一間專賣手撕雞和豬手的長龍店！
雖然這間豬手專門店只試業了幾日，已吸引非常之多的人流，特別是想「斬料加餸」的街坊。
新店主打兩款豬手，包括黑椒燒豬手和加入韓國辣醬的滷豬手，由本地廠房處理，每日新鮮運到店鋪再作後期烹調。
一豚其中一位負責人，家人也在多年前開始賣豬手，有30年製作豬手的經驗。迎合港人口味和飲食習慣，醬汁都經過特別調製，而且改用天然調味料，比以往更加健康。
豬手皮煙韌有彈性，充滿骨膠原，咬落有點點黏口，肉質嫩滑入味。
分細盒裝和大盒裝，售$58及$78；滷豬手則賣$68/隻，就算是細盒裝都夠3-4人享用。
單點豬手以外，小食店亦有飯盒供應，黑椒豬手飯只售$28，配搭沙律菜和秘製醬汁，大大份，而且餸很多，街坊最愛。
美食節的人氣小食手撕雞（$30/份）亦再次亮相，肉夠細滑， 配搭手拍青瓜微辣開胃。
不過略嫌雞撕得不夠平均，部份是雞絲，而其他則是較大件的雞塊。
跟豬手一樣，手撕雞不但供單點，還有每日限量供應手撕雞飯（$23），雞的份量亦不少。
肉食方面，比起美食節，一豚增添了不少新選擇，包括美國燒牛肉和叉燒卷。
特別以「磨」的方法，將肉切成幼細的薄片，享用前可再加點黑椒，會更加惹味。
另有更多滷水食品，如大腸、雞髀、牛展等等，之後或會供應其他款式的冷盤，留意UFood更新！
地點:樂富廣場街市405號舖
開放時間:11am-8pm
