將榴槤升格做主角，全店的榴槤甜品多達16款;知榴槤迷口味刁鑽，此店所有榴槤甜品更分有平價的泰國榴槤、中級的馬來西亞D24和價錢最高的「貓山王」3個版本選擇，豐儉由人，仲配合到唔同榴槤迷嘅口味需要。3款榴槤如今向冰鮮供應商取貨，令以往限時供應的D24和貓山王都有得供應，一年四季都食到。
老闆沛哥搞榴槤甜品更有新點子，今次推出2款100%榴槤體驗的拼盤「榴盤」和「榴邦」，前者集合榴槤千層班戟、榴槤法式燉蛋和榴槤糯糍3款甜品; 後者則大大份，有齊榴槤布甸、榴槤腸粉、榴槤甘露和最新創作的榴槤軟曲奇，榴槤粉絲可以一次過嘗到這幾款省招牌之作!
沛哥更想出坊間食唔到的酥皮焗榴槤西米露、榴槤咖啡等新奇產品，而且極為慷慨，即使客人點的是較便宜的泰國榴槤版甜品，亦會自動加入四分之一D24榴槤果肉提升香味，極為揼本，而新張期內，全綫分店的馬拉榴槤甜品均有50%off，難怪老闆謂九成客人都是為榴槤而來。榴槤甜品雖多，過往的甜品一樣有供應，食唔食榴槤都可以嚟歎甜品。
這裏的榴槤甜品，用上三個不同級別的冰鮮榴槤，全年供應穩定，不會因為時令所限而缺貨。
貓山王
馬來西亞最高級的榴槤之一，產量不少，出名核細，after taste 強勁，帶甘苦與酒香味。
D24 榴槤
馬來西亞榴槤，中級價錢，以甘香及口感軟硬度適中為賣點，榴槤香味濃郁。
泰國榴槤
榴槤果香不俗而且啖啖肉具咬口，價錢最實惠。
*文中所有價錢均為D24版甜品之原價。
地址: 旺角廣華街3號百利達廣場地下1號舖
電話: 2771 1114
(原文摘自《U Magazine》文：Silva、Emily、圖：Nova、Keeyau、Ken、LamLam)
