因為佢的真身係分子料理甜品，香腸、雞蛋同飯粒都係用分子雪糕、果汁蛋黃同奶凍整，仲要細心地用焦糖漿扮撈飯豉油，每部分都要人手整，矜貴過金華火腿午餐肉。
記住試埋店主新開發嘅「變味」甜品，他特別引入了一款「奇果蛋白粉末」（Miracle Fruit Powder），此果產自西非，沒有化學成分，糖尿病人都食得，take 咗後整整 1 小時左右，舌頭對苦、辣同酸 3 種味道的敏感度會減低，記者試過發現檸檬的酸味會無咗，啤酒苦味又會無埋，連食 Tabasco 朕辣味的 after taste 都變為甜味，好神奇！所以他開發了多款以西柚檸檬等橘子科和啤酒做的甜品，配這神奇變味粉嚟玩。甜品會連一碟奇果蛋白粉及檸角上枱，建議唔好一嚟就 take 嘢先，反而應該先試吃甜品，食到一半再含啖粉末，試吓點變味法，這樣最能感受到奇效。
備註：每款「變味系列」甜品附一位用「奇果蛋白粉頭盤」 1 碟，可加 $18 額外點頭盤 1 份。
Sense Dessert Cafe
地址：元朗鳳攸南街 9 號好順利大廈地下 2 號舖
電話：2886 0499
(原文摘自《U Magazine》文：Silva、linus、sieg、圖：Suki、Paul、有關機構)
