開業不足兩星期的「安安燒」，門口掛了幾個小紅燈籠，像開在酒吧區的日式食店，其實佢地係主打濃味、香口的川式串燒。
大部分款式由兩位熱愛串燒的老闆獨創或改良，用足兩星期日日試菜，誠意十足。有感一般川燒較乾身、下重手調味料又會蓋住食材鮮味，他們製作時會掃上不同的秘製醬汁，既令串燒食落 juicy，也不失香口滋味。例如牛丸，竟想到釀入酸酸甜甜的果醬，味道開胃，趁熱食更有爆汁效果！
海鮮呢，會用上海膽汁、金銀蒜、沙茶醬等，最鬼馬莫過於鹹甜合一的「朱古力生蠔」，醬汁以兩種朱古力調成，不會一味死甜，也不怕過濃而蓋過鮮味。愛芝士的朋友，還可試試「燒通心粉」──通粉被香滑的芝士汁扣住時，其實有點似軟綿綿的燴飯。甜食必試棉花糖夾餅，師傅專登放多一點棉花糖，口感好豐富。
安安燒
地址：旺角染布房街 5 號地下
電話： 6532 3134
(原文摘自《U Magazine》文：Silva、Linus、圖：Ken、sky、有關機構)
