Q 喉乾有咳食咩好？
A 白果腐竹薏米糖水
有助清熱去濕、保養氣管、化痰止咳，加雞蛋後，跟腐竹同樣有豐富蛋白質，有助防病。不過白果芯屬性寒涼，食用前記得去掉，也不宜吃過多。
Q 手腳冰凍點對付？
A 薑汁番薯糖水
薑本身味辛而性溫，番薯糖水加薑，除了提升香味，亦有助改善血氣運行。加上番薯纖維豐富有利通便。
Q 皮膚乾燥點救亡？
A 雪耳燉木瓜糖水
乾燥天氣影響皮膚油脂分泌，流失水份較快，容易覺得痕癢，雪耳燉木瓜膠質重，又可養顏美白，自己煲加少少果皮，有利化痰。
Q 滋陰降火有咩好料？
A 海帶綠豆糖水
雖然綠豆沙偏涼，不過原來即使寒底人士，吃火鍋、捱夜後一樣會令身體燥熱，適量進食綠豆沙可以平衝體質，有助去暗瘡、調理氣血亦有效。
Q 易倦、記性變差點搞好？
A 合桃糊
工作壓力大、精神緊張會導致健忘、失眠，吃一碗暖胃的合桃糊不但潤澤肌膚，其不飽和脂肪酸更可以降低膽固醇，特別適合老年人食用。
(原文摘自《U Magazine》文：Silva、圖：Kam、Ken、Sky、nova)
