歡渡聖誕！法國慨念小酒館

聖誕節菜單中有一系列法式頭盤同甜點，配合埋餐廳嘅招牌菜，包括各式優質肉類、海鮮同馬鈴薯配菜。頭盤係用新鮮時令食材做成嘅 63度流心蛋伴蘑菇忌廉，名廚Akrame更加入榛子以提升菜式的層次，讓賓客品嚐到渡假的逍遙味道，必定能成為賓客的冬日首選菜式。

主菜有鮮帶子刺身，淡淡海水清爽鹹味，啱哂海鮮迷；法式芝士燴飯加埋濃郁Comté芝士，仲可以依個人喜好加埋黑松露或魚子醬，定價為每五克港幣180元。甜品就有焦糖布丁、咖啡榛子果仁糖、意大利芝士栗子蛋糕及朱古力撻配椰子雪糕。


鮮帶子刺身

除咗定價菜單，仲可以自選頭盤、主菜、配菜及甜點，亦可以自由點選名廚 Akrame 的創意單點菜式；當中包括香烤波士頓龍蝦、鮮活法國生蠔配竹炭同檸檬汁伏特加沙冰，定價分别為$398元及$98元兩隻。
節慶菜單將於2016年12月8日至31日期間供應，快啲帶埋你嘅摯愛好友食住大餐過聖誕！

文：Cynthia

歡迎你 like 我哋 U Food Facebook Page / U Food Instagram ，取得我哋更新更快嘅資訊！