香港嘅 MUJI 賣嘅貨品種類愈來愈貼近日本店！而家連家品都陸續有得賣！暫時係小家電，貫徹簡約風，全用純白色，有電飯煲、按壓式多士爐同電水壺，3 款都係白色圓角設計，綫條簡單，無論屋企係形 look、田園風都配襯到。最重要係設計貼心實用。
按壓式多士爐 $480
長方形加圓角設計，簡單得嚟有設計味。可以同時烘 2 片厚多士，加熱器仲設置貼近麵包表面，烤烘出嚟嘅多士更香脆。
多士爐有 1 至 6 段按鈕設定，畀你控制烤烘程度，仲有個麵包屑盛載盤，可以拉出嚟清洗，方便！我最鍾意解凍功能，可解凍同時仲烤烘埋冷藏嘅麵包，解凍 reheat 一 take 過！
【得意食玩】 卡通 Cookbook 萌爆小物 DIY 布甸狗班戟
電水壺 $450
壺嘴設計方便倒水之餘，原來仲防止翻倒漏水，啱哂我呢啲雞手鴨腳嘅人。
煲水只需約 80 秒，水沸後電源仲會自動切斷，而電綫可捲入底座收藏，咁方便想擺一個喺自己房。
【零食放送】 韓粉注意！O'SULLOC 出抹茶朱古力
電飯煲 $980
1.7mm 厚度嘅內鍋，煲飯時受熱更強更均勻，煮白米、糙米、咖喱用白飯、炊飯、油飯同稀飯都用得！飯煲用可卸式內蓋，方便清洗，好萬能！
電飯煲上蓋唔做手抽位，反而設計成平面，有稍微凸出嘅部分，用嚟放飯勺，型！
文︰Louise 圖：有關機構
【和味精選】 北海道 + 加拿大 + 韓國 排隊平食三色海膽飯
【保暖必備】 轉涼喇！燜燒杯出動！4 個簡便美味食譜
【飲食情報】 電話有「3」字 食自助餐有 7 折
歡迎你 like 我哋 U Food Facebook Page / U Food Instagram ，取得我哋更新更快嘅資訊！
