【相關報導】
康記粥店返嚟喇！
泰國舊米製粉漿 │ 新耀榮
長沙灣區老字號， 由鐵皮檔做到入青山道舖位，已經有 50 多年歷史。一碟齋腸 $10， 街坊價，好抵食！師傅將腸粉切成細細條， 方便客人一口一條咁食。腸粉軟滑溜，但比較厚身， 難免影響了滑溜度。爭分位係米香突出，要趁熱食，否則腸粉變涼後有點糊口。
齋腸 $10
熱辣辣嘅腸粉很滑溜，食落無油膩感，但放涼後有點糊口！ 店家特別為豉油調味，鹹度剛好又甜甜哋，能為腸粉增添濕潤感。
用泰國舊米浸 2 小時， 加菜花籽油及水放入電動石磨機內磨成米漿， 做出嚟嘅腸粉米香濃郁。
於布上倒粉漿後加蓋蒸 2 分鐘，連皮帶布放於透氣快嘅竹板上， 腸粉唔會咁快變腍，容易捲起。
新耀榮粥店
地址：長沙灣青山道 310 號地下
電話：從缺
營業時間：6am-12am
【相關報導】
晶瑩剔透滑腸粉 │ 陳漢記
大埔區居民，無一個唔識陳漢記！所謂舖有舖格， 長沙灣新耀榮是老街坊嘅溫情，陳漢記卻有種霸氣！ 店內嘅名物之——腸粉，由早上 11 點開店至零晨 4 點都有供應。 客人早餐食粥加腸粉，夜晚一個煲仔飯搭腸粉， 可見腸粉嘅受歡迎程度爆燈！齋腸一碟 3 條，偏闊身， 睇落白雪雪、有晶瑩剔透嘅感覺。食落腸粉皮果然極薄，有少少煙韌感，入口順喉滑溜。 米漿是腸粉師傅嘅秘坊，要做出薄身腸粉，粉漿比較稀，少啲功力都捲唔成。 出品咁有質素，抵你咁招積！
齋腸粉 $15
腸粉皮薄而滑，捲起幾層厚後食落都唔會死實實。
皮雖然薄身但腸粉夾起不易斷開。豉油明顯有調味， 味道偏甜而且加了熟油，好處是令腸粉更滑，但油略嫌太多， 增添油膩感。
周末宵夜時段（10pm 到訪），店內擠滿人食煲仔飯及腸粉， 廚房內嘅姐姐密密手捲腸粉，唔使 5 分鐘就一碟， 腸粉上枱時仍然熱辣辣！
陳漢記粥麵專家
地址：大埔運頭街 89-91B 地下
電話；2658 2277
營業時間：11am- 4am
【相關報導】
屯門隱世腸粉 │ 光記
屯門其實是個搵食好地方，區內有唔少隱世小店嘅出品都好有質素。 光記嘅腸粉，於區內薄有名氣。「三點不露」 嘅老闆話，腸粉準備需時，所以於每日 5pm 先有供應， 想食記得留意時間！店內嘅腸粉即叫即拉，厚薄度適中， 質地滑溜有陣陣米香。想食好嘢，真係畀啲耐性慢慢等！
齋腸 $13
齋腸一碟約 5 條，蘸啲甜甜哋嘅豉油已經好夠味， 仲可以保留到米香。
腸粉皮夠薄，入口滑溜之餘亦有軟糯、煙韌口感。
腸粉品唔會預先整定，有柯打即動手倒粉漿拉成。
