法式貴氣 style 嘅 Maison ES，無論裝修和食物都好 girlish，近排仲經常同品牌 crossover，推出唔同主題 tea set，繼巴西膠鞋品牌 Melissa 之後，今次同花店 Hahahaflorist 合作，推出「花樣田園」限定下午茶。Tea set 以噴成金色的木箱上桌，貴氣十足，比三層架有驚喜！當中有 3 款鹹點 7 款甜點，部分糕餅造型係花形，有啲仲以花入饌，食到啖啖花香。
【相關報導】
花花曲奇餅，出爐！
由鹹點食起，的骰正方形嘅 蝦多士釀入蝦肉配千島醬，再用竹籤串起原隻蝦，插喺多士上，造型好搶眼！
另一款係 法國鵝肝醬多士，多士和鵝肝醬都做成長條形，仲加上食用花點綴，唔似一般鵝肝多士咁悶蛋。多士做得鬆脆，抹上菠蘿酸甜醬，酸酸甜甜同鵝肝好夾，大大中和濃膩感。
Tea set 沒有大路的青瓜三文治，換咗 薄荷蛋沙律青瓜杯，將青瓜挑成杯形，好考廚師刀功；加入蛋沙律，賣相精緻到暈，感覺好清新。
Tea set 沒有大路的青瓜三文治，換咗 薄荷蛋沙律青瓜杯，將青瓜挑成杯形，好考廚師刀功；加入蛋沙律，賣相精緻到暈，感覺好清新。
甜點方面，我最鐘意呢個 紅豆蓉忌廉花形餡餅，以日式和菓子模樣做藍本，花花 waffle 質地嘅外皮夾住紅豆蓉忌廉，creamy 軟綿綿，香甜不膩。
Tea set 點少得 cup cake？既然係花花主題，cupcake 梗係花造型啦！呍呢嗱味忌廉做成玫瑰花模樣，好靚啊！即刻相機食先！
朱古力雜莓撻撻底鬆化有牛油香，內有朱古力醬，以藍莓和紅莓點綴，賣相小巧討好。
魔鬼蛋糕伴羅勒葉，朱古力蛋糕可可味濃，連羅勒葉入口，清香不甜膩。另外仲有 橙花水啫喱呍喱嗱奶凍、 鬆餅，最後配埋杯士多啤梨梳打，清新開胃！
來吃下午茶，你仲會收到一盒隨 Tea 附送嘅 Hahahaflorist 肯亞玫瑰（價值 $250），女生收到一定開心死！
「花樣田園」下午茶
供應日期︰2016年10月22至12月18日
供應時間︰2:30 pm - 5:30 pm (最後點菜時間)
價錢︰$488 /2 位、$250 位 (包括免費添飲咖啡或茶)
文、攝︰Louise
