Dolce Dolce Kitchen & Gourmet 每年都會搞大閘蟹宴，今年繼續跟人氣蟹店「泓泰極品大閘蟹」合作，仲搵嚟入廚 40 年的高德超師傅，大搞只此一場嘅大閘蟹晚宴！
原籠飄香大閘蟹
大閘蟹宴可以食到 5 両重嘅蒸大閘蟹，隻隻都好足秤。
高師傅仲會教你點拆蟹，先可以食盡大閘蟹嘅肉！有圖有真相，5 両重嘅大閘蟹拆出嚟嘅肉，放係蟹蓋入面可以堆出一座山仔！
有肉地之餘，大閘蟹仲爆膏㗎！
記得聽埋高師傅教你點樣好似上海人咁，食完成隻大閘蟹後，可以完整咁砌番隻蟹出嚟！
拆完 5 両大閘蟹之後，高師傅會即場炮製 3 道蟹粉菜式。睇住大師級廚師製作蟹粉菜式，仲畀埋食譜你，可以趁機會偷吓師，返屋企自己搞番幾場大閘蟹宴都得啦！
呢個係雪燕影珊瑚，即係雪燕蟹粉羹。高師傅用咗雲南雪燕，做出拉絲的蟹皇羹，健康又滋潤。
蟹粉鍋巴
炸到脆卜卜嘅鍋巴，沾滿蟹粉一齊食，大滿足！每道菜會伴以紅酒及白酒，好似帶有微微的煙燻味嘅 Pouilly Fume 法國白酒，同蟹肉味好夾！而酸度適中、飽滿的 Chiant，用嚟配襯味道較濃嘅蟹黃菜式，都是絕配！
蟹粉獅子頭
傳統名菜蟹粉獅子頭，有蟹粉嘅膏香，同時又可品嘗到豬肉香味。大閘蟹宴仲有蒜子上湯浸豆苗及甜品柴火黑糖薑茶湯丸。每位參加者如買「泓泰」大閘蟹，可額外獲贈一隻3.5 両公蟹，筍！
有 40 年入廚經驗的高師傅。
Dolce Dolce Kitchen & Gourmet 秋日大閘蟹 x 葡萄酒晚宴
日期：11 月 5 日
時間：6:45pm-10pm
電話： 2151 0609
收費：$980/ 位，包原籠飄香大閘蟹（5 両）、雪燕蟹粉羹、蟹粉鍋巴、蟹粉獅子頭、蒜子上湯浸豆苗、柴火黑糖薑茶湯丸，部分菜式附食譜
報名：www.dolcedolce
泓泰Facebook : www.facebook.com/wangtaihairycrab
文：Jessie、圖：有關機構提供
歡迎你 like 我哋 U Food Facebook Page / U Food Instagram ，取得我哋更新更快嘅資訊！
