呢個咁抵食的八寶冰，係深水埗醫局街小食店「誠記」的出品，八寶冰基本上每日限量 100 碗，由每日中午 12 點開始供應，小編這天下午 3 點左右去到，就算未到食甜品時間，都已經賣咗 30 碗，果然係店中大熱食品。雖然誠記的位置不在深水埗的最旺地帶，卻依然旺場，平日下午都要等 15 分鐘先有位。
八寶冰 $25
唔係講笑，因為幾乎個個都點，所以就算成功落咗 order， 都要等成半個鐘先食到！八寶冰用分量非常大，唔信？睇下佢放係牙籤桶旁的對比就知。除了料多，賣相都有「設計」過，上枱時仲拮咗兩隻鴨仔同一堆波波做裝飾，咁得意當然又係相機食先。
睇番個「八寶冰」，材料點止 8 種，包括芋圓、地瓜圓、南瓜圓、小丸子、珍珠、西米、薏米、紅豆、仙草及啫喱，數數下有成十種，真係見到都眼花。丸類方面就以芋圓及南瓜圓味道最突出，冰加入煉奶，整碗甜度啱啱好，不過一個人食實在太大份，所以最好搵 4、5 個人一齊 share 。
丸子雖然夠味，但嫌唔係好有𡁻頭，若再煙韌點就真係 perfect 。
仙草隱藏喺碗底，味道少甘，與微甜的冰一齊食，味道剛好，食完爽晒。
誠記小籠包拉麵
地址：深水埗醫局街 193 號 C 舖
電話：2725 3030
營業時間：11am-11pm
文、攝︰Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
