鴻福堂賣特飲唔係新事，不過點都估唔佢會推出日本風嘅抹茶飲品！每枝 $12.9，相對品牌其他飲品，唔算貴喎！
包裝貫徹主題，全綠色！不過驟眼睇，似椰青水多啲！
倒出來，特飲偏深綠色，色澤同一般抹茶差不多，唔覺有抹茶香。入口只有少許抹茶微甘，味道不算很甜，反而牛奶味很突出，質感滑溜。
抹茶相當掛杯，隱若見到少許抹茶沉澱物喺杯底，可見係用真抹茶粉炮製。
至於紅豆，雖然無包裝紙上嘅原粒紅豆，但喺抹茶之中都見到不少紅豆碎粒，亦食到紅豆獨有嘅香甜，仲有少少起沙㖭。對抹茶控嚟講，茶味可以再多啲，但以一枝香甜特飲嚟講，收貨了！
【小編畀分】：7.5/10
鴻福堂抹茶紅豆 300ml
銷售點：Circle K 便利店
價錢：$12.9
文、攝：Joyce
歡迎你 like 我哋 U Food Facebook Page / U Food Instagram ，取得我哋更新更快嘅資訊！
