呢間涼茶舖叫「春生堂」，喺觀塘宜安街，驟眼看同一般涼茶舖無分別，門口竟然大大隻字寫住班戟！有好多口味，包括煉奶牛油花生醬、沙律雜果、沙律粟米雜果、煉奶肉鬆、沙律淨芒果等，好奇情喎！
即點即製，有誠意！點咗沙律淨芒果班戟，即見店員把 pancake 粉漿倒在鐵板上，同時從雪櫃取出白色沙律醬及芒果粒，熱辣辣 pancake 一煎好，隨即搽上沙律醬，再放上芒果，食得！最驚喜是，整塊大過手掌的班戟皮全鋪滿芒果！好足料！班戟熱辣夠鬆軟，沙律醬的微酸中略帶鹹味，竟然與芒果幾夾，即係芒果沙律味囉。唔可以講好味到嘩嘩聲，但大大件，果肉滿瀉，都只係 $15，收貨啦！舖頭開得早又收得夜，呢個班戟，作為早餐、下午茶同宵夜都得！
沙律淨芒果班戟 $15
賣相雖然普通，但勝在真材實料，每啖都食到芒果肉，抵食。
班戟即點即製，沙律醬搽得厚厚，芒果粒滿佈 pancake 皮。
除咗沙律淨芒果 pancake，仲有煉奶牛油花生醬、沙律雜果、沙律粟米雜果及煉奶肉鬆等口味，價錢都只係 $10 至 $15，下午茶醫肚一流。
一般涼茶舖格局，諗唔到會有班戟食。
春生堂
地址：觀塘宜安街 20 號地下
電話：2951 9565
營業時間：6:30am-12mn
文、攝：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
