每年日本都會舉行「日本丼物選手權」比賽，在全國芸芸參賽的食店中，選出年度最強人氣丼物。而丼丼屋今年就引進其中 4 款出名丼物喺舖頭賣，早前力推「名物海膽丼」大受歡迎。近日有新品接棒，就係來自北海道札幌的「九兵衛三文魚親子丼」。
究竟佢與一般的三文魚親子丼有何分別？分別在於做法和材料的精心配搭。三文魚粒同三文魚籽用秘製醬油醃製 12 小時，除了去除三文魚籽本身的海水腥味外，還微帶醬油香，食落不死鹹，仲帶少少甜味，又有回甘味，融入三文魚的油脂和魚味，本身已經好搭調；細心位仲有喺飯上撒上芝麻和紫蘇葉絲，將白飯撈埋一齊食，鹹鮮味、魚脂香、紫蘇清香與芝麻香融合埋一齊，百味紛陳又和諧，唔使加醬油調味都得。得獎作，果然與別不同。
九兵衛三文魚親子丼 $88
經過 12 小時醃製的三文魚，魚身仍然保持光澤，不死鹹之餘，依然食到魚味，仲有微微醬油味。
北海道札幌九兵衛的野崎社長親自來港，推介其本店名物「九兵衛三文魚親子丼」，不停問在場記者食後感，希望可以再加以改良。
丼丼屋
地址：紅磡黃埔新天地第十一期聚寶坊地下 G2 及 G2A 號舖
電話：2321 8898
營業時間：11:30am - 10:30pm
供應期：即日至 11 月 22 日
文：Theo、攝：Jay
歡迎你 like 我哋 U Food Facebook Page / U Food Instagram ，取得我哋更新更快嘅資訊！
