咩係竹板拉腸粉？即係老師傅將粉漿鋪在布上，一拉一反動作就拉出腸粉皮，看見蒸氣騰出感覺，好吸引！康記粥店八旬店主陳伯多年來堅持每日調米漿製腸粉，但今年 5 月仍敵不過大時代挑戰，因太貴租要光榮引退。正當一眾康記 fans 失望之際，店方已經喺舊舖隔離覓得較平租的新舖，重新開張！粉絲可以收番眼淚！
新店叫「新康記」，主要是陳伯兒子打理。最令人失望係以往陳伯在門外竹板拉腸粉的景況不再，只可以透過門外的玻璃窗，看到廚房內師傅新式鐵爐煮生滾粥及製作腸粉、炸兩等工序情況。
話晒係新店，裝修新簇簇，燈光明亮又有冷氣，環境比舊店舒適得多。我中午到訪，場內 5 張枱客人來去不絕！新店重開當然要試傳統名物「炸一腸」，何謂「一腸」？即是只用單邊油炸鬼而製作的炸兩，分量較小，配合細食客人。除了名物，新店仲有新品推出，好似「生滾湯飯」，可選兩款餸如滑雞、豬心、魚腩、豬潤、鯪魚肉等，湯內更放大量時令蔬菜，大熱天時唔想食粥，呢個係不錯嘅選擇。
另外粥店名物「銀芽炒麵」及「炸兩」都無令人失望，炒麵唔油膩，炸兩進食時仍保持脆口。生滾滑牛粥，粥底夠濃稠、滑牛夠牛味兼無渣，不過略嫌鹹咗少少。唔緊要，只要老店仍在，大家就安慰了！
生滾滑牛粥 $30
粥底夠棉又濃稠，牛肉食出鮮牛味無渣，但略嫌過鹹。
小記試生滾湯飯 $38，點了滑雞及鯪魚肉，驚喜位是夏天時令菜心夠軟無渣，湯味煲出陣陣菜香，再配雞件及鯪魚肉甜味，夏天食飯送湯開胃口。
銀芽炒麵 $11
落足料，條條銀芽墊底，食落無油膩感。
炸一腸 $10
即是用單邊油炸鬼而製的炸兩，特別！
新店餐單無大變動，個別食物加價 $1-$2，仍比同區其他食店便宜，真正庶民飯堂。
新店有 5 張枱，地方比舊店大，不過客多時又爆滿。
大門外有玻璃窗可看到廚房環境，可見已轉用新式鐵爐煮食。
新店旁邊就是舊康記舖頭，可見招牌仍留有康記痕跡。
新康記粥店
地址：大坑京街 9 號地下
電話：5402 3598
營業時間：7am-9pm
文：Celia、攝：Paul
歡迎你 like 我哋 U Food Facebook Page / U Food Instagram ，取得我哋更新更快嘅資訊！
