街市老字號豆花
位於石硤尾商場（其實是街市）的蔡記荳品店，開業 37 年，主要賣豆腐和豆卜，但街坊最捧場係一碗豆味香濃的豆腐花。舖頭多年來堅持在自設工場用石磨磨黃豆，豆花食落有黃豆質感，更難得是街市內都設堂食，可以坐低慢慢歎，順便感受一下即將逝去的舊式街市情懷。
蔡記豆腐花 $8 豆腐花豆味實在，仲食到黃豆質感。
蔡記荳品店
地址：石硤尾巴域街石硤尾邨商場
港大師生最愛
位於卑路乍街的「可可店」，鎮店名物香煎腸粉加雞蛋係港大師生及街坊必食推介，但可能大家會忽略店內的山水豆腐花，是否用真‧山水炮製不得而知，但食落出奇地香滑，灑上黃糖更是絕配。
可可店豆腐花 $12 質感滑嘟嘟，一入口即滑入喉嚨。
可可店
地址：西環卑路乍街136-142號聯威新樓地下E、F舖
大埔名物
在大埔薄有名氣的阿婆豆腐花，街坊從大埔墟火車站走到街市買餸，必食一碗！雖然層次欠奉，但真正的好戲在後頭，豆花滑落喉嚨時會有股黃豆香散出來，甚有驚喜。因舖面較細，街坊都唔介意企在舖外吃，我就會買碗外賣，坐在附近公園慢慢歎，偷得浮生。
阿婆豆腐花 $8 豆味都算香濃，滑落喉嚨先 feel 到，極受大埔街坊歡迎。
阿婆豆腐花
地址：大埔大光里 2A 地舖
百年老號石磨豆香
太古城、西灣河及筲箕灣街坊，想食豆腐花或買豆腐，必定會幫襯珍香園。老闆每日在舖內以石磨磨豆，做出來的豆品豆味特別鮮活，名物是薑汁豆腐花，質感挺身而滑溜，富石磨獨有的豆香，有點像日本布甸的感覺，加上薑汁，只要放少許糖水經已夠香甜。
珍香園豆腐花 $9.5 石磨磨豆做出來的豆腐花，豆味特別濃，質感細滑；薑汁調得好味，女士們最喜歡。
珍香園
地址：西灣河成安街 12 號地下
不只乳鴿咁簡單
講起龍華酒店，自然諗起「飛天乳鴿」或孔雀，而店內的石磨山水豆腐花，也是名物之一，事關豆腐花由開業以來，每天都由同一供應商以石磨磨豆製造，以擔挑送上，豆味極為香濃，配上秘製的桂花糖水，食落分外香甜兼帶花香。
龍華酒店山水豆腐花 $68 豆花幼滑有豆香，配襯桂花糖水，帶出花香又不搶豆花風頭。
龍華酒店
地址：沙田下禾輋 22 號
電話：2691 1594
文：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
