今次係邊位人兄咁識做，推介阿華田港式甜品系列呢？答案就係由兩位名廚鄭相賢（Tony）同張錦祥（Ricky）開嘅港式西餐廳 Made in HK 喇！7 月 11 日至 9 月 4 日期間會一次過推出 4 款阿華田味道嘅甜品，包括阿華田黑白奶凍伴鮮果及曲奇爆脆、阿華田慕絲伴曲奇爆脆、阿華田醬雪糕鮮果新地同埋阿華田爆脆雪山，唔單止味道正，賣相仲非常吸引！
阿華田黑白奶凍伴鮮果及曲奇爆脆 $58
甜品嘅下層係阿華田同雲呢拿奶凍，上層就有阿華田朱古力麥芽忌廉三文治曲奇、華田脆爆同埋水果。
阿華田慕絲伴曲奇爆脆 $58
阿華田慕絲配自選口味嘅雪糕，包括士多啤梨、朱古力同雲呢拿味，另外仲有阿華田曲奇、華田脆爆、棉花糖同朱古力蛋卷等等，口感豐富。
阿華田醬雪糕鮮果新地 $42
底層係阿華田曲奇碎餅，配上自選口味嘅雪糕，包括士多啤梨、朱古力同雲呢拿味，同埋水果，最後淋上阿華田醬同忌廉。
阿華田爆脆雪山 $38
阿華田飲品加埋雲呢拿雪糕球、華田脆爆同忌廉。
地址：觀塘觀塘道 418 號創紀之城 5 期 apm 1樓 13 號舖
電話：2156 2000
文：Jenny Ling
歡迎你 like 我哋 U Food Facebook Page / U Food Instagram ，取得我哋更新更快嘅資訊！
