不設單獨發售，而是連同兩個 mini burger，合組 tasting platter。點解咁得意？
「有客人向我哋反映，食唔晒一個 lobster roll，又或者食飽後試唔到其他東西，於是就諗做個 mini 版。」店主之一的 Christy 說。
Lobster roll 雖然變細，但用料、做法沒偷工減料。店中每天約有 50 隻新鮮龍蝦從加拿大直送，店主 Bon 指牠肉質較甜和實淨，每隻約重 1 磅半。有別於坊間將龍蝦烚煮，這裏用蒸。Bon 解釋是保存龍蝦肉汁，食落更 Juicy。為突顯龍蝦鮮味，沒過份調味，只簡單以 Homemade 蛋黃醬、橙汁橙皮及檸檬汁，酸香帶甜，海鮮味更突出。
將 6 吋長牛油甜包切開三份，塗點牛油烘香，加上約 1/3 隻龍蝦肉，撒點法國細葱粒及紅椒粉，迷你版完成！Platter 有兩款，龍蝦迷必食 Sea slider，因連同迷你龍蝦漢堡及迷你魚柳包，另一款是 Hastag slider，則有迷你芝士漢堡及迷你辣椒芝士漢堡，食肉獸啱晒。
Sea slider $188
Mini lobster roll 很美味，龍蝦肉鮮活，調味剛剛好。迷你龍蝦漢堡也特別，芝麻包內夾着以自製 wasabi cream sauce 炒香的龍蝦肉，再配搭火箭菜，帶點辛香。迷你魚柳包，有用啤酒漿炸脆的龍脷魚，加紫椰菜及酸瓜，平衡味道。
Golden cow monster $98
本月新品，將甜品及飲品合二為一，以 12 星座做主題，這杯是金牛座。由底至面有朱古力布甸、朱古力醬及美祿沙冰。自製香軟曲奇、燒棉花糖、朱古力穀物脆脆、粟米條等，再撒上金箔，活脫脫的金牛模樣。
MAMA Burger & Lobster
地址：長沙灣昌華街 49 號昌暉大廈地下 6 號舖
電話：3956 5440
營業時間：星期二至日 12nn-12mn，星期一休息
相關報導：
龍蝦打孖 Big 到爆！
終極回本！任食活龍蝦
無處不在！龍蝦乜乜乜
歡迎你 like 我哋 U Food Facebook Page / U Food Instagram ，取得我哋更新更快嘅資訊！
