南小館 於圓方設首家概念店

南小館嘅圓方新店亦推出新款口味嘅小籠包，有黑松露小籠包 (HK$98) 及絲瓜鮮貝小籠包 (HK$48)，小編推介絲瓜鮮貝小籠包，食落多咗朕絲瓜嘅 fresh，食落較清新。

黑松露小籠包($98份)
以豬肉配合黑松露醬做餡料，啖啖黑松露香。

絲瓜鮮貝小籠包($48份)
餡料以本地絲瓜、南澳鮮貝同豬腿肉製成。

除咗小籠包之外，概念店仲有懷舊上海風味點心，包括弄堂粢飯團、純鮮肉月餅等。

弄堂粢飯團
廚師以軟糯唔粘牙嘅糯米包著炸油條，加入上海紅燒肉、秘製茶樹菇同咸蛋黃，肉質鮮嫩而唔油膩。

純鮮肉月餅
自家製酥皮包著鮮豬肉、XO醬餡料焗製15分鐘，出爐後香氣濃郁。

新店增設哺乳室，爲家庭顧客提供更友善的用餐環境，提升整體價值感。

南小館

歡迎你 like 我哋 U Food Facebook Page / U Food Instagram ，取得我哋更新更快嘅資訊！