Wooloomooloo Prime 尖沙咀店嘅 brunch 以「Cow & Crustacean」為主題，前菜同主菜都分為「Cow」同「Crustacean」兩個部分。
前菜以西班牙小食形式上碟，一共八款，自選其中兩款。「意大利薄切煙燻牛肉」，以西班牙及意大利風乾薄切牛肉，配搭醃製甜椒同橄欖，伴意式香草麵包品嘗，清新開胃。另一道「西冷牛肉串燒」，用竹籤串起青紅椒、雜菜同照燒汁西冷牛排，炮製成惹味串燒。「Crustacean」就提供海鮮菜式，包括「龍蝦、大蝦配小龍蝦杯」，海鮮杯伴以檸檬蒜蓉蛋黃醬，品嘗龍蝦、大蝦同小龍蝦三種海鮮，爽嫩鮮味。
接下來係餐湯，有得揀 「牛肉清湯」或者「龍蝦濃湯」。而主菜方面，「Prime 早餐」內有烤牛排、chipolata牛肉香腸、乾式熟成煙肉、血腸、炒薯仔及蘑菇，份量十足，非常豐富。另一選擇係「牛肉松露批」，以牛肉混入薄荷豌豆、松露薯蓉製成餡料，批皮金黃鬆脆，惹味可口。「Crustacean」就有「白酒煮青口」，新鮮青口以白酒、蒜頭、乾蔥及香草烹調，入口帶陣陣酒香，可配薯條和法國麵包享用。
甜品有四款，包括「時令芝士拼盤」、「時令水果拼盤」、「軟心朱古力蛋糕」及「英式蘋果批」，客人可自選一款。
兒童 Brunch 菜單，包括一款自選主菜及一款甜品。主菜選擇有「迷你牛肉漢堡」、「炸魚薯條」、「迷你香腸配薯蓉」同「番茄香草長通粉」，而甜品就有「雪糕配朱古力醬」或「水果杯」。餐廳逢星期六更提供特別優惠，凡一位成人惠顧 Brunch，同枱的一位 10 歲以下小童即可享免費優惠。
Brunch （兩款前菜、湯、一道主菜、甜品、茶或咖啡）
供應時間：逢星期六、日及公眾假期 12nn-3pm
價錢：$398/位
Wooloomooloo Prime (尖沙咀店)
地址：尖沙咀彌敦道 100 號 The ONE 商場 21 樓
電話：2870 0087
網站：www.wooloo-mooloo.com
想睇更多？即上 Brunch 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
