事關最近在旺角一幢韓式食肆林立的食廈，就進駐了一間叫 Mukshidonna 的年糕鍋專門店。店子總店位於首爾三清洞一條巷仔入面，雖然又窄又唔起眼，但偏偏經常擠滿客人。除了三清洞，Mukshidonna 還有不少以特許經營方式營運的分店，單單在首爾就已經有成 30 間！我哋之所可以在香港都歎到，都係多得韓國人孫先生來港後見韓國菜在香港有得做，侄仔又剛好在三清洞Mukshidonna 做過幾年，成功傾到個特許經營權在香港大展拳腳。
到底呢間店的年糕鍋有咩特別？首先就係口味多，單單係年糕鍋，就有海鮮、烤肉、部隊、芝士同雜菜 5 款口味，住部由韓國總店調配好再真空包裝直送店內，午市 $58/個，晚市則 $78/個 ( 2 位起)，但這只是湯底價錢，之後就好似車仔麵咁揀麵底，揀好之後就可以加錢揀餸！加 $18 就可以選配魚餅、紫菜卷、炸餃子、火腿等不同配料，加 $25 就可以揀埋最人氣的韓國拉麵，又或者係韓式粉絲、細麵同鳥冬，由年糕到湯底到麵食同配料九成以上都自韓國直送，夠晒原汁原味。食完唔夠喉 ? 仲可以加 $35 來一個芝士炒飯，在食完年糕的鍋中加飯加芝士紫菜等炒香吃，實在係大滿足！最開心係飽到捧住個肚走，每人都不過係百零蚊落樓，超抵！唔怪得晚晚未夠七點就已經爆晒場！
海鮮鍋 $58/ 位 (午市)、$78/ 位 (晚市)，兩位起
配料包括新鮮青口及魷魚，鮮甜大隻。煮年糕的辣湯醬料在韓國總店調配好再直送店內，香濃帶辣，年糕煙韌帶米香，索滿辣湯非常惹味！鍾意邪惡的朋友一定要加$25要埋芝士，用來沾配料又或者撈麵真係evil到不得了！
烤牛肉鍋 x 部隊鍋 (韓式粉絲另加 $25)
年糕鍋最低消費係兩位起，好彩口味可以mix，呢個放滿牛肉片同火腿、腸仔的烤牛肉X部隊鍋就啱哂食肉獸！
芝士炒飯 (不設單點)
食完年糕鍋仲可加 $35追加個芝士炒飯，加入粟米、紫菜及芝士等炒香，入口焦脆，芝士味香，邪惡而滿足。
Mukshidonna
地址：旺角彌敦道726號1樓
電話：5573 9331
營業時間：星期一至六 12nn-3pm、6pm-11pm，星期日 12nn-3pm、6pm-9pm
收費：只收現金，設加一
交通：港鐵旺角站 A1 出口
泊車：旺角道 1 號 $10/hr
平均消費：$150
相關報導：
來自倫敦的 新派西式韓菜
一店食盡 細緻宮廷、街頭菜
歡迎你 like 我哋 U Food Facebook Page / U Food Instagram ，取得我哋更新更快嘅資訊！
