華嫂冰室一向都大排長龍，每次食客入到嚟都起碼要等半小時或以上。依家，華嫂冰室喺觀塘開分店，舖面大約千二呎，食客們嘅等候時間就可以大大縮短！
去得華嫂冰室，一定要試下佢招牌美食，包括招牌番茄蛋菠蘿包，口感更為豐富，而且仲食到大家最愛嘅流心太陽蛋，yummy；還有每日用上新鮮番茄熬製嘅番茄湯底，啱晒身為番茄狂迷嘅小編。其他推介有招牌芝士咸牛肉蛋朱仔包、招牌碎蛋沙津多士、豬潤肉眼根米線配香茜皮蛋湯底、豬扒魚肉米線特式冬蔭公湯底、蛋沙津配牛油烘豬仔包等等。
華嫂冰室
地址：觀塘敬業街 55 號皇廷廣場 1 號舖
電話：2617 2232
營業時間：星期一至六 8am-5:30pm、星期日休息
歡迎你 like 我哋 U Food Facebook Page / U Food Instagram ，取得我哋更新更快嘅資訊！
