先嚟一碟 4 小食：花雕酒醉雞、蔥油海蜇頭、香干馬蘭頭、黑魚子燻蛋。4 款前菜各有特色，香干馬蘭頭清新、黑魚子燻蛋甚有茶香、蔥油海蜇頭爽口、花雕酒醉雞嫩滑。再嚟一道湯品：蟹粉文思豆腐羹，利用大廚出色嘅刀工，將豆腐切得非常幼細，還有每朝即熬嘅雞湯，啖啖鮮味；蟹粉河蝦仁配叉子燒餅，蝦仁新鮮爽口，配上蟹粉令質感更為嫩滑，將蝦仁放入脆脆燒餅之中一齊食，更覺滋味。
正式見到主角：極品蟹黃油撈飯，呈上枱面嘅係一碗蟹黃、一碗白飯，食落更覺驚喜，蟹黃味道極重，食到蟹粉嘅「粉」味，蟹膏油脂肥美，而且顏色鮮艷，呈鮮黃色狀，非常新鮮！接着係蟹粉糯米滋，齋聽個名都幾新穎，廚師以新鮮炒蟹粉做餡，外沾糯米飯粒而成。以為蟹粉與糯米糍唔會好配搭到，其實相反，原來佢哋口感都幾 match，值得一試！
除咗有大閘蟹宴，上海佬亦設大閘蟹單點菜式如蟹粉排翅 (HK$688/位)、杏片蟹粉百花球 (HK$288)、蟹粉賽螃蟹 (HK$288)、蟹粉千層麵 (HK$328)、蟹粉生煎包 (HK$88)、紫薯湯丸 (HK$52)等。
上海佬餐館
地址：灣仔杜老誌道 5 號 1 樓
電話：3125-3232
大閘蟹宴
供應日期及時間：即日起至 11 月 15 日 6pm-11pm
價錢：HK$598/位，2 位起。
菜式：頭盤（花雕酒醉雞、蔥油海蜇頭、香干馬蘭頭、黑魚子燻蛋）、蟹粉文思豆腐羹、六両太湖大閘蟹、蟹粉黃金磚、蟹粉河蝦仁配叉子燒餅、蟹粉豆苗、蟹粉小籠包、薑茶菊花凍糕
* 另設加一
歡迎你 like 我哋 U Food Facebook Page / U Food Instagram ，取得我哋更新更快嘅資訊！
