不奇怪，老闆 Tong Cheng 一向是創新和包裝高手，5 年前開業的星馬餐廳「海南少爺」，就憑摩登裝修和菜式賣相，成功令星馬餐廳潮起來。
潮流繼續變，近年他見新派星馬 café 在當地大行其道，餐桌上亦流行將星馬地道醬汁和香料糅合西餐，旋即將新潮流帶回來。這概念，在兩年前的 Fatty Crab 見過，不過這裏做得更大膽。變革不僅針對外國人，選址葵芳新都會廣場，擺明吸引 local 年輕男女和家庭。先在餐廳 outlook 玩變身，一室田園木色，兩旁分別是一幅約 5 米長的 green wall 和落地大玻璃，陽光與青草綠，我以為去了歐陸 cafe；梳化、吊燈、花地磚當中，夾雜着彩藍和桃紅色的椅子、印花碟子和咕“口臣”，還有牆上的花瓷碟，娘惹風情若隱若現，既 girlish 又嫵媚，平日吸引靚太來 tea，假日又有不少年輕男女來 hea。
相對格調裝修，餐牌的變化更癲更放！三四十款菜式，分量偏大，迎合開心 share 趨勢。傳統菜如沙嗲、海南雞、炒貴刁、蝦湯麵等只是配角，焦點在於那些把星馬娘惹菜西造的 fusion 菜。像香煎蟹餅配辣椒蟹醬，將辣椒蟹重新演繹，食得輕巧方便之餘，不失名菜精髓；新加坡人過年吃的「撈起」，做成素菜版，就變成清新開胃沙律；香港人愛韓式炸雞嘛，就用做燒魔鬼魚的方法，做出參巴蜜糖雞翼，後生仔更受落。最過癮是意粉，像參巴椰香雞意粉，醬汁味道與喇沙沒兩樣！
材料的配搭，菜式的賣相完全癲覆星馬菜的形象。當然啦，老闆 Tony 曾跟隨米芝蓮大廚學藝，西式烹調難不到他和酒店出身的主廚，餐廳更請了來自檳城、曾跟隨新加坡名廚 Tony Khoo 的李師傅當行政總廚，選料、烹調和擺盤有名廚風範，對家鄉菜式亦有一份熱忱，尤其注重靈魂醬汁調校，看上去明明是西菜，入口是正宗星馬味。餐廳稍後會推出新的星馬甜品，兼設外賣；11 月份更進駐沙田，餐牌將再大翻新，加入更多西化娘惹菜。看來這星馬 x 西餐的 fusion 革命，一發不可收拾。
特別推介：
參巴椰香雞意粉 $98
像「意粉版」喇沙！意粉 al dente，入口滿是椰香和馬拉盞鹹蝦的惹味，連雞肉都以自製參巴醬醃過，好過癮！再拌勻參巴醬吃，更香更辣。
撈起素菜沙律 $68
有金柚、炸芋頭絲、春卷皮、青瓜、蘿蔔絲、葱絲和酸薑，口感層次十足；點睛處是冰梅醬汁，甜甜哋，為沙律加添東南亞風味。
娘惹辣醬燒豬肋骨 $98（10 月推出）
排骨先以自製的辣椒汁醃味，蒸後再塗辣椒汁燒焗，腍滑多汁，汁醬既辣又滲出番茄酸甜，比普通 BBQ 醬有層次；沾以柑桔、魚露、指天椒調的汁吃，減少膩感。
娘惹醬燒原隻鮮魷 $138
鮮魷厚肉爽滑；塗上黃薑味重的娘惹咖喱醬醃，再加辣醬燒焗，先是辣香茄香，中心帶有咖喱味，得意。
椰香酸子魷魚長通粉 （10 月推出）$98
味道相對其他醬汁溫和，椰香中滲出酸子甘甜，配掛汁的長通粉，特別滋味。
榴槤朱古力心太軟 $68
切開心太軟，即有「熔岩」流出！朱古力醬混合榴槤蓉，沒想到兩者味道咁夾，但吃罷罪惡感 double up！
椰子斑蘭雪芳蛋糕配斑蘭蜜糖脆 （10 月推出）推廣價 $88
斑蘭 crunch cake，外層是香滑椰子忌廉，內裏是清香斑蘭蛋糕，又鬆又軟；焦糖脆脆帶綠色，原來加入斑蘭汁製成，心思滿滿。
參巴蜜糖雞翼 $68
雞翼以參巴醬醃完再炸，炸香後再塗上參巴蜜糖，香、脆、鹹、甜集一身，很受年輕食客歡迎。
少爺18
地址：葵芳興芳路 223 號新都會廣場 4 樓 410-412 號舖
電話：2156 2228
營業時間：11:30am-11pm
收費：現金或信用卡，設加一
交通：港鐡葵芳站 E 出口
泊車：新都會廣場 $14/hr
平均消費：$300
註：餐廳不設訂座
相關報導：
6 個不可不試的星馬即食麵！
星馬麵抬頭！
星馬麵癡夢想店——Mee
檳城美食大使！
懷舊風 正宗新加坡菜
歡迎你 like 我哋 U Food Facebook Page / U Food Instagram ，取得我哋更新更快嘅資訊！
