由扮晒西瓜嘅西瓜蛋糕、用上分子技法做嘅甜品杯、到超殘忍挖空西瓜心做嘅西瓜啫喱、到用西瓜皮偽裝嘅蛋糕，裏裏外外都係 watermelon 元素，既然人類已經阻止唔到，就順其自然讓它們攻佔吧。
One in a melon mini $45/件、
One in a melon $600 (1.5 磅)（Vive Cake Boutique）
由范冰冰、容祖兒、周杰倫及 Angelababy 的星級造型師馬天佑夥拍人氣網絡糕餅師 Vivien 開設，潮人當政，舖頭蛋糕又靚、又少女，仲要關心埋少女的體型，全屬微糖版本。這款西瓜蛋糕最為吸睛，whole cake 版本以真西瓜皮圍邊，裏面有 8 層，真嘅西瓜肉、士多啤梨草莓啫喱、呍呢嗱啫喱及開心果蛋糕相間，mini 版少了西瓜皮，但一眼看穿漂亮層次，靚死人咩！記者試過，微糖真的不是騙人，吃落西瓜味清甜、開心果蛋糕裏面有不少開心果肉，有咬口之餘，果仁味好香，唔甜，味道似食生果。
Vive cake boutique
地址：淺水灣海灘道 28 號 The Pulse 202 A 舖
電話：5226 1618
營業時間：12:30pm-9pm
西瓜の熱情 $118（東海堂）
最上層的是西瓜果凍及用來扮西瓜籽的朱古力脆脆，中間是海綿蛋糕及西瓜果肉，每層中間以呍呢嗱慕絲相隔，底層是杏仁蛋糕，再以綠色的海綿蛋糕圍着扮西瓜皮，切開就看到它層次甚豐。食落有淡淡杏仁香，最正係果肉部分經處理唔出水，甜味清新。生日會要人哋派 like，靠佢了。
東海堂
電話：2739 1328
西瓜凍 $28 三件、$88 半個（紅丸）
此乃借屍還魂版本，先將半個小玉西瓜挖空，挖出來的新鮮西瓜肉打汁混合大菜糕，裏面更混合了黑芝麻再倒回西瓜裏，切成角後激似真西瓜，呃 like 無難度啦！大菜糕部分西瓜肉成份多，食落仲有西瓜果肉，口感 Q 彈，西瓜味也 fresh。
紅丸甜品
地址：鰂魚涌英皇道 901 號英麗閣 D 座地下 B1 號舖
電話：2601 9201
營業時間：星期一至五 12nn - 11pm，星期六至日及公眾假期 1:30pm - 11pm
西瓜盅豆花 $45（甜入心）
西瓜盅係老套咗少少囉，點及呢個現代西瓜盅霸氣唧？呢個西瓜係日本品種，起沙渣少又甜，成個上枱，夠晒霸氣，睇橫切面就見到挖空了部分，挖出嘅果肉會打成汁做果凍，果凍西瓜味濃，甜度高，上面仲有豆腐花、椰果同呍呢嗱雪糕，用匙羮一舀到底，豆腐花原來同西瓜味好夾，據講好多奀瘦少女都吞到一個，夏季限定㗎，每日限 30 個，有食快手。
甜入心
地址：深水埗福榮街 57 號文昌閣地下 B 舖
電話：2668 0748
營業時間：星期日至四 1pm - 1am、星期五六及公眾假期 1pm - 2am
備註：慈雲山及沙田分店亦有售，每間限量 30 個
伯爵茶奶凍 $88（小糖鈕）
唔好噓我，呢款雖然唔係西瓜 look，見唔見到杯裏面紅色嘅冰冰，嚴格講唔係冰嚟，以 99% 西瓜肉做，係師傅將西瓜肉攪成蓉，再以薄荷入味雪至凝固後打碎，慕絲部分是薄荷加伯爵茶味，碎冰部分似有薄荷冰涼感，好 fresh，配茶味濃郁的慕絲吃，唔膩又清新。
小糖鈕
地址：元朗裕榮徑 11 號好旺洋樓地下 10 號舖
電話：9704 0000
營業時間：星期二至五 4:30pm-11pm，星期六日及公眾假期 3pm-1am，逢星期一休息
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
