冠軍：長洲平記 上環
芒果糯米糍 $12/個
開店個多月，反應超好，最誇張時有過百人排隊，日賣約 2、3 千個。
店子每日從長洲運來芒果肉及糯米皮，由員工即場包製，最新鮮！揀中碼菲律賓呂宋芒，每個糯米糍有半邊芒果肉。負責人話只揀靚同熟的芒果，會早一晚起肉雪藏，食時冰涼透心。另有榴槤及奇異果口味，前者用馬來西亞 D24 榴槤，新鮮拆肉包製，後者用上半個新西蘭靚貨。
試食評分（5分為最高）
芒果：4.5分
芒果肉是 4 間中最大件的，食得過癮，飽滿香甜多汁。
糯米皮：4.5分
糯米皮滑溜軟糯，食完不覺膩滯，皮薄而沒穿餡，好手勢！
總評：糯米糍 size 最大，抵食，外形帶點不規則，有手工味道。貼心位是糯米糍逐件用廚紙包好再入盒，唔怕黏埋一齊。
長洲平記
地址：上環永和街 23-29 號地舖
電話：5933 7160
營業時間：星期一至六 10:30am-7:30pm，星期日及公眾假期休息
註：早上接受電話訂貨
長洲慶發記 灣仔
芒果糯米糍 $12/個
長洲「慶發記」賣開花膠，亦有在長洲「反斗奇冰」賣芒果糯米糍，灣仔店首次用「慶發記」品牌賣這名物，開業接近兩星期，即吸引大量 OL、街坊幫襯，採訪當日半晝已賣出千多個。
於荃灣自設工場，計劃再開分店，每朝做好糯米糍即送店中。用菲律賓呂宋芒，揀細 Size，每件糯米糍足半個分量，另有榴槤口味，用新鮮泰國金枕頭炮製。
試食評分（5分為最高）
芒果：4分
芒果肉夠熟，鮮甜，不過分量多點更好。
糯米皮：4分
糯米皮軟身帶點煙韌，惜略厚了點，有點滯。
總評：糯米糍修長似橢圓形，工整且質感乾爽，質素不俗。
長洲慶發記
地址：灣仔軒尼詩道 311 號 1 舖
電話：2986 8986
營業時間：12nn-7pm
註：接受電話訂貨
長洲糯米糍 油麻地
芒果糯米糍 $10/個
開業兩個多月，據店員稱是第一間在市區開業的長洲芒果糯米糍店。源自長洲食店甜品屋，每日由長洲直送做好的糯米糍，每日返一至兩轉貨，有用呂宋芒做的芒果糯米糍及馬來西亞 D24 做的榴槤糯米糍。
試食評分（5分為最高）
芒果：3分
芒果質素參差，有的偏甜，有的帶酸。
糯米皮：3.5分
糯米皮軟身帶點煙韌，厚薄不一。
總評：外表比較不規則，糯米皮黏手不夠乾爽，芒果餡甜度一般，糯米皮跟芒果會分離。
長洲糯米糍
地址：油麻地上海街 346 號地下
電話：51183861
營業時間：12nn-7:30pm
註：接受電話及 whatsapp 訂貨
長洲糯米糍專門店 旺角
芒果糯米糍 $10/件
最新開業的專門店，僅個多星期，據知由長洲師傅製作，每日做好即直送店中，每日返兩轉貨，除有芒果糯米糍、榴槤糯米糍，亦有較特別的麥提莎糯米糍，外層沾滿朱古力粉，包著一粒麥提莎，外軟內脆。
試食評分（5分為最高）
芒果：2.5分
只有約 1/4 分量，偏少，甜香但有部位熟到爛。
糯米皮：3分
糯米皮薄但沒香味，易穿皮及黏手。
總評：Size 最細，芒果肉少，唔抵食，皮薄得來卻易穿洞，影響賣相。
長洲糯米糍專門店
地址：旺角廣華街 8 號地下
電話：97587115
營業時間：12nn-10pm
註：接受電話訂貨
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
