元氣壽司嘅荃灣廣場新店，棄用傳統嘅迴轉壽司帶，而改成三行元氣火車軌道。當客人用座位上嘅平版電腦點餐，點完餐之後坐定定，載着美食嘅火車就會送到你面前，並有「嗶嗶」提示。喺火車上拎走食物後，按一下黃色按鈕，火車就會徐徐地駛回。係咪好「打耳」呢？
元氣壽司今次玩呢個火車直送 gimmick，有兩點要特別留意：
- 每四碟入一次單，入單次數無限
- 除熱食及飲品之外，壽司、刺身、手卷等其他食品均以火車直接運送到你面前
新店現為試業階段，小編已經見到不少顧客都爭相「試玩」，而且都大讚簡單易用，又能保證食品新鮮，想試玩嘅話快啲嚟荃灣廣場啦，暫時得呢間分店有火車直送炸！
元氣壽司
地址：荃灣大壩街 4-30 號荃灣廣場B1 B105-B108號舖
電話：2499-3172
