無添加 Fusion 拉麵

再拿起 menu 看看，原來吃的是 fusion 拉麵，難怪環境如此新穎！主打 3 款拉麵，各有不同湯底，推介熬足 20 小時的豬骨湯，以 8 個不同部位的豬骨熬成，如肋骨、筒骨、脊骨等，奶白黏稠帶點漿口；火紅的辣湯都唔惹少，以印度魔鬼辣椒、泰國、墨西哥、中國湖南等共 7 款辣椒鏟成辣醬，再混合清甜的雞湯中，辛辣感強又帶椒香，嗜辣者不妨一試。迎合健康大潮流，又推出一款素拉麵，以蔬菜、豆類等熬成清湯，配料更用足美國大啡菇，肉厚 juicy，激讚！拉麵也做得有誠意，特別研製配方再找麵廠炮製，size比一般拉麵粗一點,更彈牙！

店子也有不少玩味小食，像大如手臂的火雞雞翼，以濃惹羊腩汁真空慢煮，並放在鐵板奉上，視覺一流！另有流心蛋以可樂浸煮、又有炸湯丸、手打墨魚餅，更用上深水樹記響鈴做配料，統統講究到底。順帶一提，店子晚上可包場做私房菜，由入廚 30 年的李師傳主理，中菜西餐都包辦，價錢按餐單而定，豐儉由人！

九千歲 $65
素湯味道清甜，配以肥厚的大啡菇、素雞、響鈴等，清而不寡，岩晒素食者。

天下無雙 $65
雞湯底混合自家鏟的辣醬，辣香頗強，另有嫩口的黑豚肉、筍、蜂巢豆腐和昆布，嗜辣的不妨挑戰大辣！

黑豚五龍王 $65（流心蛋另加 $10）
麵條能輕易掛上濃厚黏口的豬骨湯，還有微鹹又香甜的可樂流心蛋，吃罷滿口油潤甘香。

羊汁珍寶雞翼 $25
如手臂般長的火雞雞翼超晒睇頭，用低溫慢煮兩個半鐘，放在細小的鐵板上，有迫爆效果！

辛辣凍豬手 $25、板燒白烏賊餅 $20
這裏的小食選擇多元化，既有中式的凍豬手，又有手打墨魚餅，而且價錢平，水準不錯。

海鮮辛燒 Pizza $25
有點像大阪燒，但表面更脆口，而且有豐富的蟹柳、蜆肉和墨魚粒，勁足料。

私房拉麵 @ 紫丹亭
地址：灣仔軒尼詩道安樂里 2A 地下
電話：3565 6696
營業時間：星期一至六 11:30am-9pm，星期日休息
收費：現金及信用卡，不設加一
交通：港鐵銅鑼灣站 A 出口
泊車：集成中心 $20/hr
平均消費：$70

想睇更多？即上 新餐廳 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！