想傳統,,,
鍾意傳統口味嘅可以選擇傳統咸肉粽(HK$44/隻)、蓮蓉鹼水粽(HK$40/隻)，雖然材料、味道都較為經典，唔會話好特別，但係就啱晒熱愛傳統口味嘅親朋戚友。
想豪啲,,,
超羣特別推出兩款用上高級食材炮製而成嘅端午粽，啱晒鍾意食好啲、食豪啲嘅人。第一款係足料御膳裹蒸粽(HK$156/隻)，齋睇外形已經夠「爆 like」，因為佢重達一斤，份量十足！用上上等糯米、綠豆、原粒瑤柱、蠔豉、上等花菇、金華火腿等等，一定好味！而另一款就係醬油瑤柱蠔豉粽(HK$120/隻)，材料包括日本直送嘅原隻蠔豉、原粒瑤柱、上等五花腩肉以及甘香咸蛋黃，用上咁好嘅材料，點會唔好味呢？
想健康,,,
想應節又想食得健康啲？可以選擇紫薯金栗三色粽(HK$72/隻)。呢款粽子用咗富有纖維嘅紫米及粟米，加上軟滑嘅紫薯蓉以及香甜金黃原粒栗子，既香甜又健康，夠滋味吧！
想潮啲,,,
無論衣着定美食，講到潮，點會唔提到韓國呢？超羣特別為韓流一族推出«韓‧芝‧粽»，將韓國風味嘅辣椒醬混合上等糯米及綠豆，並用上紐西蘭進口嘅車打芝士粒及惹味牛腩，口感夠煙韌，仲有少少微辣，啖啖都充滿韓風！
想送禮,,,
想買啲端午應節粽，送俾摯愛親朋？超羣都特別推出《御膳粽套裝》，內有 1 隻醬油瑤柱蠔豉粽、1 隻韓‧芝‧粽、1 隻紫薯金栗三色粽、1 隻傳統咸肉粽以及 1 隻蓮蓉鹼水粽，價錢為 HK$364/套，夠晒服務貼心！
超羣餅店 全線分店
電話：2371-6350
Facebook：www.facebook.com/Marias.Bakery
歡迎你 like 我哋 U Food Facebook Page / U Food Instagram ，取得我哋更新更快嘅資訊！
