和風地道 賞櫻御膳

雖然香港無呢個習俗，但都可以學吓日本人食個賞櫻餐。嵯峨野今年推出的「花見」櫻花特色午餐，由日籍總廚苗加昌彥設計，當中有不少日本人賞櫻經常品嘗的料理，如小糯米糰、日式煎蛋卷、燒牛肉等，以便當形式供應，賣相非常精緻。

雜錦季節拼盤裏有不少地道和食，包括浸煮春菜、薯仔沙律、西京醬燒銀鱈魚等七小碟日式前菜，分量小巧，最啱做開胃菜；較特別的檸檬汁煮番薯，經糖水、檸檬汁浸煮 2 小時，甜中帶酸，還有拼盤中間的糯米糰串，從日本運來，甜甜哋，口感軟糯煙韌。便當裏還有刺身、雜錦天婦羅、三文魚子飯、麵豉湯及鹹菜，配埋自家製、混入了櫻花葉的櫻花雪糕及綠茶布甸 2 款甜品，以午餐來說，分量算係超豐富。午餐同櫻花期一樣，一年一次，只於三、四月供應，要把握機會嚟試吓！

嵯峨野
地址：尖沙咀麼地道 72 號千禧新世界香港酒店 1 樓
電話：2313 4215
供應時間：星期一至五 12nn-2:30pm
收費：現金及信用卡，設加一

相關報導：
OMAKASE 櫻之料理
稻菊 名店抵食櫻花餐
呷一口櫻花綠茶