像昔日的粵菜，多是手工滋味，一板一眼烹調，老老實實的，沒偷工減料。糯米飯是生炒，大魚頭也花時間生啫，杏汁白肺湯堅持用生磨杏汁，樣樣真工夫。吃一口，就像穿越時空，回到 good old days。
開在旺角的「粵來順」，是這道「隨意門」。踏進店內，一派六七十年代酒樓模樣，綠色地磚、紙皮石牆、鐵窗花、吊扇燈，枱頭有藍白花紋的中式餐具，侍應會拿著不銹鋼水壺來斟水，後生仔女睇到好奇，老爸老媽就可以話當年。
賣的是傳統味道、手工粵菜，像咕嚕肉、梅子蒸肉排、豉油雞、百花釀蟹箝、杏汁白肺湯、生啫魚頭及生炒糯米飯等，愛嘗新的，也有創作菜千絲芝心球及金勾銀柳。
擔任大廚的譚嘉輝師傅，入行多年，曾參加電視烹飪比賽「大廚出馬」，是終極四強人馬。為重塑傳統味道，他特別花上 45 分鐘洗豬肺，慢慢等魚頭由生(口者)到熟，至少也要 15 至 20 分鐘。「每樣都是心機和時間，但慢工出細貨嘛，咁先食到真味。」他還說，新鮮材料才煮出好菜，店子鄰近旺角街市，肉類蔬菜魚都有齊，即買即煮。
出品有誠意，難怪晚晚人山人海。六點幾七點有街坊客；再夜啲，是廚師行家拉隊來宵夜，開到半夜兩點，夠時間慢慢歎。
新年食餐好，譚師傅特別推出賀年餐，分半圍（6 位用）及一圍（12 位用），人少少都食到。不乏招牌菜蜂蜜豉油雞、生啫魚頭、生炒糯米飯，還特別創作好市蓮藕餅及金湯燕液球，等大家食得高興，笑口常開。
賀年菜 Menu $2,280/ 半圍、$4,180/ 圍
好市蓮藕餅
金湯燕液球
金輪牛柳粒
黑松露生煎鮑魚
蜂蜜豉油雞
海參豆腐煲
生口者魚頭
蟲草花花膠燉竹絲雞
生炒糯米飯
環球果盆
粵來順
地址：旺角登打士街 2 至 8 號寶亨大廈地下 10 至 12 號舖
電話：2788-3078
營業時間：6pm-2am
收費：現金及信用卡，設加一
交通：港鐵油麻地站 A1 出口
泊車：東安街咪錶位
平均消費：$150
備註：賀年餐供應期由即日至 3 月 5 日，須早一天預訂，亦設散點。年初一及年初二休息。
