今時今日吃凍蟹，當然是韓式醬油醃蟹！呢種生醃凍蟹，韓國人多數出街食，亦有些阿朱媽會巧手自製，醬缸店主權太太話：「我媽媽識得整㗎，無話分季節食嘅，春天最多蟹，會食多啲。做法好複雜，所以好少餐廳做。」做法複雜，成本貴，本地韓國餐廳鮮有供應，佐敦的「醬缸」是少數供應的店子。只用韓國全羅南道產的海蟹，每隻約重 300 克，每星期有一兩次飛機貨到店。老闆兼大廚權先生說：「我指定要蟹乸，肉質結實鮮甜，又有蟹膏。」做醬油醃蟹，醬油亦是靈魂，權先生跟足傳統，醬油會以大葱洋葱蒜頭辣椒薑等來煮，還自行加入蘋果、雪梨及綠茶，增添甜香兼辟腥。醬油煮滾後放涼，便把洗淨的蟹放入浸一天，將蟹拿出，又把醬油煮起放涼，把蟹再浸一天即成。權先生說蟹要浸兩次才入味，浸完後，還要以攝氏 2 度至 4 度儲存，前後花上兩天才完成，即使這樣，醃蟹也不能久存，想食的話，便要預訂。
權太太話不少食客，都為這蟹而來，吃一口便知她所言非虛。蟹肉晶瑩剔透，帶滿滿的橙紅色蟹膏，很吸引。拿起來先輕吮蟹膏，冰涼蟹肉像吃啫喱，滑溜溜，鮮甜中帶醬油香。還附上香噴噴的紫菜芝麻飯，把浸過蟹的醬油、辣椒蒜頭等拌飯來吃，跟足韓國人食法。
醬油醃蟹 $258（須預訂）
每客有兩隻蟹，蟹肉滑得像啫喱，涼快鮮甜，帶醬油香，橙紅色的蟹膏也很吸引。附上的紫菜芝麻飯，拌點豉油、辣椒蒜頭來吃，一流！
辣椒醃蟹 $258（須預訂）
同樣有兩隻蟹及紫菜芝麻飯。這款蟹以醬油、辣椒粉、薑及蒜蓉等醃上兩天，蟹肉吃起來辣辣甜甜，略嫌蓋過蟹味。
生醬海蝦 $258（須預訂）
跟醬油醃蟹做法相近，蝦肉滑溜爽彈，醬油香滿滿。另附紫菜芝麻飯。
醬缸韓國料理
地址：佐敦庇利金街 53 號地下
電話：2375 9805
營業時間：星期一至六 11:30am-2:30pm、5:30pm-11pm，星期日休息
(原文摘自《U Magazine》)
