薄荷朱古力食譜｜最近韓國掀起「薄荷朱古力」風潮，紛紛推出各式各樣薄荷朱古力口味的零食與甜品。身為「薄朱派」的一份子，今次小編教大家一個簡易甜品食譜－薄荷朱古力慕絲脆脆杯。簡單4步就完成，最適合下午茶享用。而且裝在甜點杯中，一層一層不同顏色，非常打卡，一齊睇下點樣整啦～
-
Oreo曲奇餅: 40塊
-
淡忌廉: 400克
-
糖霜: 50克
-
薄荷香油: 1茶匙
-
綠色食用色素: 4滴
-
60%朱古力: 90克
-
牛奶: 50克
-
忌廉芝士: 100克
薄荷朱古力慕絲脆脆杯食譜及做法：
1. 將200克淡忌廉、忌廉芝士、糖霜、薄荷香油、食用色素打發至企身，放入唧袋備用。
2. 朱古力與牛奶坐溶並待涼，打發其餘200克淡忌廉至企身。兩者混合後放入唧袋備用。
3. 將Oreo曲奇餅壓碎，然後在杯中鋪上餅碎、薄荷慕絲、餅碎、朱古力慕絲，一層層至杯滿。
4. 慕絲杯雪凍約3小時，放上朱古力碎作裝飾。
完成啦！濃郁幼滑的黑朱古力慕絲帶有清新的薄荷香味，再加上層層相間的Oreo餅碎增加酥脆的口感，真是忍不著一口接一口。
人氣食譜排名
-
甜品
【好評係點樣嚟?!】聖安娜薄荷朱古力忌廉卷
呢款忌廉卷近來唔算太難買,好容易喺店鋪雪櫃入邊見到佢,我哋呢家人出名試伏專家即管試埋｡之前試過薄朱蛋糕,今次沒有抱太高期望,都係跟一跟熱潮｡今次都係鄰居同我哋相約一齊分享｡ 💲價錢 $20 😋味道 - 食緊朱古力脆脆卷 4.5/10分 ⏺️分析一吓先,薄荷與朱古力都各自係一件事 ⏺️中間薄荷忌廉淡淡淡,可以話接近沒有薄荷味 ⏺️忌廉中間有朱古力脆脆 ⏺️朱古力卷正常味道 總結: ⏺️一盒五件為起嚟$4件,我會選擇食西餅😅 ⏺️個人唔太鍾意薄朱各自分開一件事嘅味道☹️ ⏺️唔飽肚,零食/甜品一件 ⏺️對於呢間鋪嘅薄朱產品試食完畢,如無意外唔會試其他薄朱產品🤗 推薦度 3/5⭐️ 以上是個人試後感,人人口味唔同｡ 歡迎交流､互關😊 更多日常親子､寵物､煮食､搵食分享 歡迎追蹤 IG:dearvean #薄荷朱古力#聖安娜#期間限定
閱讀更多
-
胃食精選（零食）
大生生活超市 (海趣坊店)
YBC薄荷朱古力脆筒
呢個Good！我俾滿分！無論係脆度同味道都係我想要嘅嘢嚟，可稱完美！ 係近期食過最好食嘅薄朱零食，一盒兩包，每包五條，冇斷冇碎，十分完整，所以如果要嚟做啲雪糕芭菲嘅裝飾都絕對適合，不過我就就咁攞嚟食，做餐後甜品啦。薄荷同朱古力嘅味道恰到好處，咬落去嘅口感亦都相當令人喜歡，唔會太過硬實，又唔會話碎到四圍都係。 下次見到佢一定會再買嚟encore，因為佢太好食喇。 #夏日排毒瘦身
閱讀更多
-
甜品
【買完一次再沒有然後?!】薄荷朱古力脆脆盒子蛋糕
【買完一次再沒有然後?!】FreshFresh Bakery 薄荷朱古力脆脆盒子蛋糕 嗰一日嘅傍晚係嚟買麵包,等緊遮遮找錢嘅時候,八卦嘅眼睛周圍望👀,見到雪櫃入面呢盒嘢孤零零喺雪櫃,遮遮話平時賣得好快,可能今日落雨,呢個時間都仲有,最後一盒喇｡合埋眼諗十秒,我買🙋🏼♀️ 💲價錢 唔記得,幾廿蚊(好似40蚊,錯價錢唔好打面🙏🏻) 😋味道 - 整體尚可 8/10分 ⏺️面層朱古力:類似啫喱狀,朱古力香不苦,滑溜溜 ⏺️薄荷慕絲:薄荷濃度不高,薄荷感不算涼,軟滑慕絲口感 ⏺️海綿蛋糕:鬆鬆軟軟 ⏺️粒粒朱古力脆脆球:細細粒脆卜卜,幾正嘅 ⏺️夾有薄荷朱古力碎片:薄薄薄片,碎片,睇落好小氣,夾埋所有嘢口感唔錯嘅 總結: ⏺️每層合理分佈平均 ⏺️薄荷味唔重只係微微涼,朱古力味香 ⏺️食完口內感仍微涼有薄荷香,但有啲確喉 🏹攻略 其實係無嘅,我只係無意中買到｡ 遮遮話一返貨好快賣曬｡ 買完至今日過咗10日,無再遇到呢個產品😂 其他: 店舖仲其他薄荷朱古力產品,以我所知仲有糯米糍､薄荷朱古力麻糬曲奇､原個蛋糕｡ 歡迎食用後交流😊 推薦3.5⭐️/5⭐️ 以上是個人試後感,人人口味唔同｡ 歡迎交流､互關｡ 更多日常生活分享 IG:dearvean #薄荷朱古力#期間限定#freshfreshbakery
閱讀更多
