素媽媽 - 入廚年資22年
在澳洲生活多年，當地集結各國民族，因此吸收不同飲食文化，她滿腦子都是創意諗頭，把素食演變出貼合港人口味的東南亞菜式，如素酸辣湯、韓式辣醬炒年糕、越南米紙卷等，一改素食 = 淡而無味的印象。食材平民、做法簡易，更合大眾心水，網上人人當正她是飲食指南，一出 post，翌日立即試煮。
Q1：幾歲開始入廚？
A1：十幾歲獨自去到澳洲，當地又無乜餐廳好食，於是開始在家試煮。
Q2：第一次入廚的菜式？
A2：在澳洲思鄉，突然想食番茄炒蛋，於是打長途問媽咪，第一次就成功咗，自此信心大增。
Q3：點解愛上煮食？
A3：一路都有鑽研煮食，直到有小朋友，懷孕前後更加需要注意飲食，於是慢慢愛上煮。為了自己女兒有足夠營養，更加醉心入廚，漸漸變成興趣。
Q4：煮食知識從何而來？
A4：在澳洲餐館做過 part time，得閒就向大廚偷師，出街食飯見到人地咁煮，膽粗粗又問兩句，知識便慢慢累積起來。
Q5：最佳入貨點？
A5：最鍾意去九龍城入貨，一來近屋企，而且無論食材選擇、質素都很高，特別買香草、醬料比超市平得多，力讚！
Q6：心水廚房嘢推介？
A6：醬料是入廚好幫手，我會揀台灣出品的蔭油（即豉油），味道清香又唔會死鹹，幾乎每道菜都用到。
泰式素冷麵
材料：
新鮮冷麵 半斤
青檸 1個
凍豆腐 1盒
龍舌蘭糖漿 少許
柚子醬 適量
辣椒醬 適量
蔭油 適量
花生碎 適量
青紅椒 少許
九層塔 適量
薄荷葉 適量
做法：
① 冷麵灼熱，過冷河。
② 凍豆腐切厚片煎香兩邊。
③ 加入新鮮青檸汁、糖漿、柚子醬、辣椒醬蔭油及其他材料拌勻即可。
(原文摘自《U Magazine》)
